Molde er både årets seriemeister og cupmeister. I natt vart heltane hylla av folket i Molde. Suksessen gjer spelarane ettertrakta og trenar Skullerud trur at spelarar kan forsvinne frå laget føre den komande sesongen.
– Det er slik å få suksess i ein mindre nasjon og i ein klubb som lever av å selje fotballspelarar, seier Skullerud.
Han vil ikkje uroe seg for dette akkurat no, men dersom det kjem tunge, store bod veit han at riskoen for å miste spelarar er der.
Rykte om England
Molde-spelar Ørjan Nyland blir av fleire engelske medier knytt til Manchester United. Romsdals Budstikke skriv at fleire engelske aviser melder at Anders Lindegaard skal vere på veg til Molde i bytte mot Nyland. Nyland seier til avisa at det er smigrande om det er sant.
Treng tid til å fordøye
Molde har tre seriemeisterskap og to noregsmeisterskap på fire år. Skullerud seier at han treng tid til å sortere det han har vore med på i 2014.
– Det er stort og rart. Sesongen har vore eit eventyr, seier Skullerud