Frakta til sjukehus med ambulanse
Føraren av bilen som var involvert i ei trafikkulykke ved Magerholm i Ålesund er frakta til sjukehus med ambulanse. Skadeomfang er så langt ukjent. Ifølgje TV 2 skal personen ha vore fastklemt i bilen etter å ha køyrd i ein fjellvegg. Politiet opplyser at vegen vil bli stengt i ei lengre periode på grunn av undersøkingar. – Politi og ulykkesgruppa til Statens vegvesen vil gjere undersøkingar på staden og sikre spor. Vegen blir difor truleg stengt i fleire timar, seier Svein Harsjøen, operasjonsleiar i politiet. Omkøyring blir skilta via E39/E136, opplyser Statens vegvesen.
