NRK Meny
Normal

Døyper om Rådhusplassen til «Lille Sunnmøre»

Så mange som 15.000 Aafk-supporterar er venta å ta turen til Oslo under cupfinalehelga.

Video 8ee1cd1c-9e88-4d73-9dd1-09062fa1871c.jpg

LOVAR FEST: AaFK lovar at cupfinalehelga skal bli endå betre enn i 2009.

Aalesunds Fotballklubb går for same oppskrift som sist, men lovar at folkefesten skal verte endå betre enn under cupfinalehelga i 2009.

Øyvind Vebenstad

LOVAR FEST: Øyvind Vebenstad vil toppe cupfesten frå 2009 når supporterane inntek hovudstaden.

Foto: Arild Pettersen / NRK

– Eit eventyr

Turen til Ullevaal for to år sidan vart ein einaste opptur for fotballklubben. No vil dei ha reprise av fotballfesten.

Det er eit eventyr. Det er eit historisk augeblikk, som sit langt inn i den oransje hjerterota. Ein suksess frå A til Å, seier arrangementsansvarleg i AaFK Øyvind Vebenstad.

Rådhusplassen cupfinalehelga

«LILLE SUNNMØRE»: Slik ser AaFK for seg at Rådhusplassen i Oslo vert forvandla til ein liten bit av Sunnmøre.

Foto: Mike Crane Photography

AaFK lovar no ein folkefest som skal overgå suksessen frå 2009. Så mange som 15.000 sunnmøringar er vent til hovudstaden under cupfinalehelga 4.–6. november.

Det skal vere så mykje folk at me kan rope «Neil Armstrong can you see us from the moon, liksom», fortel Vebenstad oppglødd.

Rådhusplassen under cupfinalehelga

FESTPLASSEN: Det er lagt opp til fest på Rådhusplassen når AaFK kjem til hovudstaden.

Foto: Illustrasjon AaFK

«Lille Sunnmøre»

Rådhusplassen blir samlingspunktet for supporterane og der vil det bli fullt program gjennom heile helga.

– Me skal etablera «Lille Sunnmøre» i Oslo denne helga, det skal vere eit arrangement for sunnmøringar, av sunnmøringar og med sunnmøringar, seier Vebenstad.

Ny kolleksjon

NY KOLLEKSJON: Nytt år, ny cupfinale og kleda er på plass.

Foto: Arild Pettersen / NRK

Lokale heltar skal opptre

Nok ein gang er det Terje Sporsheim og Arild Riise som skal leie cupfinalefesten. Og lokale heltar som Robert Post, Vassendgutane og Kjetil Rekdal skal opptre. Øyvind Vebenstad lovar t det vert god stemning.

– Her blir det hæla i taket og full pakke.

Med programmet klart og ny cupfinalekolleksjon, står det berre att for AaFK å ta gullet heim.