Knut Werkland lurer sjølvsagt på om Naturtelefonens Jan Einarsen veit kva slags krabbe dette er. Og Einarsen har svar:
Fløyelskrabbe
Dette er ein fløyelskrabbe (necora puber). Namnet har han fått fordi han er dekt av mjuke hår. Han blir 8-10 cm i tverrmål og er den største av symjekrabbane i våre farvatn.
Fløyelskrabben lever ned til 70 meters djup. Han er sjeldan i Noreg, men er funnen i Rogaland, Sogn, på Mørekysten og i Lofoten. Områda hans er nordvestkysten av Afrika, havet omkring Færøyane, Middelhavet og Svartehavet.
Aggressiv
Denne vesle tassen er svært aggressiv, og går gjerne til åtak på ein dykkar dersom han kjenner seg trua.
