Fakkelmarkeringa i forkant av Ungdoms-OL på Lillehammer går for fullt. Onsdag var det på Tusten i Molde det skjedde. Fleire hundre ungdommar var samla.
Aamodt kom ikkje
Firedobbel OL-meister Kjetil André Aamodt skulle vere det store namnet. Men alpinisten dukka aldri opp, for flyet hans kunne ikkje lande i Molde.
Mago Kudosov frå Ulstein var ein av deltakarane på fakkelstafetten.
Foto: Eirik HaukenesUnge idrettsprofilar frå Møre og Romsdal har æra av å bere den olympiske elden i arrangementet på Tusten.
Elden skal til slutt ende opp på Lillehammer, der det er Ungdoms-OL frå 12. til 21. februar.
Fleire unge lovande musikktalent var også med på markeringa, noko som er i tråd med den sterke kulturprofilen til Ungdoms-OL.
Eldsjeler og stortalent
Ørjan Dimmestøl i Ungdomsnettverket seier dei vil løfte fram unge eldsjeler og talent. Dette er eit arrangement for og med ungdom. Samtidig vil dei informere om det store OL-arrangementet på Lillehammer.
Fakkelberarane er plukka ut blant ungdommar som er utøvarar eller gjer noko bra for idretten. Nokre er stortalent, andre er eldsjeler.
OL-elden skal ende opp på Lillehammer.
Foto: Ungdoms-OL 2016Desse frå Møre og Romsdal er med på fakkelstafetten:
- Johan Bugge
- Mago Kudosov
- Martine Bjørshol
- Anniken Obaidli
- Njål Nordal
- Hanne Vadseth
- Andreas Skoglund
Ungdoms-OL er eit stort internasjonalt arrangement på Lillehammer i midten av februar. Dette er maskoten Sjogg.
Foto: Ungdoms-OL 2016
