Geir Nordli gir seg i lokalpolitikken i Kristiansund, melder Tidens Krav. Nordli vart ekskludert frå Framstegspartiet for to år sidan og frå Senterpartiet i fjor haust. Det var snakk om at han og meiningsfellen Roy Olav Holten skulle stå på Høgre si liste, men det blir no ingenting av.
Senterpartiet har forkasta anken frå Kristiansund-politikaren Geir Nordli. Han vart ekskludert frå partiet 9. september, men anka seinare vedtaket. I ein mail til Nordli sin advokat Erik Wold skriv Sp-generalsekretær Knut M. Olsen at sentralstyret har bestemt seg for at vedtaket om eksklusjonen av Nordli framleis står. Nordli seier til NRK at han er svært skuffa over at han ikkje har fått innsyn i saka i det heile. Han veit derfor ikkje kvifor han er ekskludert.
Senterpartiet har enno ikkje behandla Geir Nordli sin anke etter at han vart ekskludert frå partiet 9. september. Den gongen var det fylkespartiet som ekskluderte Nordli grunna upassande åtferd. Men Nordli valde å anke vedtaket, og den er det sentralstyret i Senterpartiet som skal behandle. Trass i at det er over tre veker sidan anken vart sendt inn har dei enno ikkje behandla saka. Det bekreftar generalsekretær Knut M. Olsen til NRK.
9. september vart det kjent at Geir Nordli vart ekskludert frå Senterpartiet. I etterkant har lokalpolitikaren frå Kristiansund anka avgjerda til sentralstyret i Senterpartiet. Men dei har enno ikkje avgjort saka. – Vi har teke imot anken, men ikkje behandla han. Nordli har alle rettigheiter medan anken blir behandla, seier generalsekretær i Senterpartiet, Knut M. Olsen, til NRK.
Kristiansundspolitikaren Geir Nordli seier at vedtaket i fylkesstyret i Senterpartiet om å ekskludere han frå partiet er trist, men at han tek det til etterretning. Han varslar søndag kveld at han kjem til å anke vedtaket. Ut over dette ønskjer ikkje Nordli å kommentere vedtaket.
