Dedé er stroken frå lønningslista til Aalesunds Fotballklubb fordi han ikkje er komen att frå Brasil etter juleferien.
Investor Leif Haagensen frå Ålesund er i Brasil no og har møtt Dedé fleire gonger. - Årsaka til det lange fråværet er at far til Dedé har vore alvorleg sjuk, seier Haagensen til TV 2 Sporten. Dedé er tilbake i Ålesund om kort tid, og han skal ha med seg ei sjukmelding som viser kvifor han har vore borte så lenge.
- Dedé seier at han har trent kvar einaste dag og at han er klar til seriestart, seier Leif Haagensen.