Begge dei to lokale 2.-divisjonslaga gjekk på stygge smellar i ettermiddag. Hødd tapte heile 7–1 borte mot Kvik Halden, medan Brattvåg tapte 5–0 borte mot Egersund. Hødd ligg no midt på tabellen, medan Brattvåg ligg like over nedrykksstreken.
René Skovdahl (biletet) og Brattvåg gjekk på deira andre strake tap i 2.-divisjon i dag. Håkon Bjørdal Leine utlikna til 1–1 borte mot Kvik Halden tre minutt etter pause. Men ei scoring i det 84. minutt sørgja for at alle tre poenga vart verande i Halden. Brattvåg har ikkje vunne i 2.-divisjon sidan mai.
Brattvåg tapte 2–1 borte mot Moss i 2.-divisjon i ettermiddag. Moss leia 2–0 til pause etter to sjølvmål. I andre omgang reduserte Sondre Beite. Brattvåg ligg no på niandeplass i si 2.-divisjonsavdeling.
2.-divisjonsklubben Brattvåg hentar den finske midtstopparen Akseli Kalermo. Det melder nordrenett.no (krev innlogging). Finnen har fleire aldersbestemte landskampar og har vore tilknytt akademiet til Serie A-klubben Atalanta i Italia.
Brattvåg sitt 2.-divisjonslag tapte i ettermiddag 2–1 borte mot serieleiar Skeid. Heimelaget leia 2–0 før Daniel Stensø reduserte etter 73 minutt. Men nærare kom altså ikkje mannskapet til Karl Oskar Fjørtoft (biletet). Tapet var også ugunstig for Hødd, som har åtte poeng opp til direkte opprykksplass fire rundar før slutt. Truleg må Hødd konsentrere seg om å ta andreplassen i avdelinga, som gir kvalifisering.
