Brann ved Stabburet på Stranda

Ein brann i ein flisomn ved Stabburet sine lokale på Stranda blei raskt sløkt av tilsette måndag kveld. Brannen vil ikkje påverke produksjonen ved fabrikken.

Laster kart, vennligst vent...

Brannen skjedde i Orkla Foods sine lokale på Stranda.

Like før klokka 20.00 måndag kveld melde politiet på Sunnmøre at det hadde vore ein brann i ein flisomn hos Orkla Foods sine lokale på Stranda. Alle naudetatane rykte ut til staden.

– Brannen blei raskt sløkt av tilsette ved fabrikken, seier Tor-Andre Gram Franck, operasjonsleiar for politiet på Sunnmøre.

Det skal likevel vere noko røyk i lokala, opplyser han. Det er så langt ikkje meldt om personskadar som følgje av brannen.

Påverkar ikkje produksjonen

Brannen skal ha oppstått i ein del av fabrikken som blir leigd av Tind Spekemat. Dagleg leiar i selskapet opplyser til NRK at brannen ikkje vil påverke produksjonen.

Grandiosa hos Orkla på Stranda

Illustrasjonsfoto: Brannen påverkar ikkje pizzaproduksjonen ved fabrikken.

Foto: Lena Høyberg / NRK

All frosenpizza som Orkla sel i Norge blir produsert ved Stabburet sine lokale i sunnmørsbygda Stranda. Heller ikkje denne produksjonen blir påverka av brannen.

– Det var ein liten ulmebrann som dei tilsette raskt fekk kontroll over, så det var ingen dramatikk, seier Dag Olav Stokken i Orkla Foods Norge til NRK.

Laster kart, vennligst vent...

Brannen skjedde i Orkla Foods sine lokale på Stranda.