Mellom anna blir det større kapasitet og oftare ferje på strekninga Halsa-Kanestraum.
I sommar blir det også auka kapasitet i sambandet Kristiansund - Bremsnes, som skal trafikkerast med to ferjer. Eidsdal - Linge får to ferjer i to veker meir enn i fjor.
Det blir også ei betring av tilbodet i sambanda Larsnes - Åram - Voksa - Kvamsøya og Molde - Sekken.
Årsaka til den utvida kapasiteten er at HSD vann anbodet om å trafikkere strekninga Volda-Folkestad frå årsskiftet, seier viseadministrerande direktør Frode Ohr.
Forskotsbompengar
Frå 1. mai blir det på ruta Kristiansund - Bremsnes kravd forskotsbompengar til Atlanterhavstunnelen AS. Det inneber at takstane i sambandet blir auka med 3 soner.