Ber kommunane følgje med på vêret

Fylkesmann Lodve Solholm og staben i beredskapsavdelinga har sendt ut varsel til alle kommunane i Møre og Romsdal om vêrsituasjonen.

– Vi har valt å vidaresende varselet frå meteorologane, seier fylkesmann Lodve Solholm. Dette er ikkje eit ekstremvervarsel, men eit varsel om at vinden kan bli kraftig utover kvelden.

Dette er varselet for Møre og Romsdal:

«Seint søndag kveld auke til sørvest full storm, natt til måndag dreiar vinden vestleg, minkande. Det kan kome kraftige vindkast på omkring 35 m/s.»

Vakthavande meteorolog Anne Solveig Andersen seier til NRK at folk bør sikre lause gjenstandar for det kan bli sterke vindkast.

– Årsaka er eit lågtrykk nordvest for Storbritannia. Det går raskt nordaustover og kan bli eit stormsenter.

Den sterke vinden ser ut til å bli kortvarig. Den kjem først innover Møre og Romsdal i kveld og treff med størst kraft nord i Trøndelag og sør i Nordland.

Andersen seier det vere store lokale variasjonar, og at situasjonen kan endre seg.

Dersom data tilseier at denne situasjonen bør oppgraderes, vil det bli sendt ut ekstremvarsel, understrekar meteorologane.