Viseadministrerande direktør ved Vestbase, Svein Silseth.
Foto: Lisa Blakstad DahlI heile lande ter det venta at så mykje som 10 000 arbeidsplassar på boreriggar kan forsvinne neste år. Endringa vil bli merkbar for mange selskap innan oljenæringa, men på Vestbase i Kristiansund trur dei meir på ei utflating enn ein nedgang.
– Slik vi ser det trur vi aktiviteten i 2015 vil ligge om lag på same nivå som i år, det seier viseadministrerande direktør Svein Silseth til NRK.
Uroleg ordførar
I tillegg til boreriggane har fleire serviceselskap sagt opp tilsette dei siste månadene, mellom dei Abel og Aker. Ordførar Per Kristian Øyen i Kristiansund seier han er uroleg for at bransjen kan bli mindre attraktiv.
Ordførar Per Kristian Øyen (Ap) trur aktiviteten vil ta seg opp att.
Foto: Trond Vestre / NRK– Det som er viktig no er å behalde kompetansen i regionen og ikkje snakke ned bransjen, seier han.
- Les også:
Han meiner det er viktig å unngå at færre utdannar seg og søkjer jobb innan oljenæringane, slik at næringa på sikt får vanskar med rekrutteringa.
– Eg trur vi berre må gjennom denne perioden no, og så får vi håpe at aktivitetsnivået er så høgt at dei som blir sagt opp får seg jobbar i andre selskap, seier Øyen.
Ser positivt på framtida
Også Silseth trur nedgangsperioden vil bli erstatta av ny optimisme.
Vi ser at vi kjem til å få auka aktivitet i samband med utbygginga av røyrleidninga Polarled som skal gå frå Nyhamna til Aasta Hansteen-feltet. Så vi ser positivt på framtida, særleg innanfor sub sea-segmentet, seier Sileth.
