Det var ein revolusjon for Giske då det brått blei gratis å kome dit. I alle år var det båt- og ferjebilletten som sette grenser for veksten. Deretter kom tiår med bompengar. Med brask og bram blei bomstasjonen fjerna. Det førte til ein eksplosiv vekst i kommunen.
- Les også:
– 90 nye barn på eitt år
Berre det siste året har kommunen fått 90 fleire barn som skal ha eit helsetilbod.
– Det kan gå mange månader frå dei nye kjem til eg rekk å snakke med dei. Dei barna eg snakka med i dag flytta hit i august, fortel helsesyster Eva Britt Skylstad.
- Les også:
- Les også:
– Trongt på skulen
Talet på elevar ved skulane i Giske aukar så raskt at fleire skular er sprengde. Mest prekær er situasjonen ved Valderøy barneskule.
– Vi merkar det når vi har mogonsamling. Då tek det tid å kome seg dit vi skal, forklarar Malin Sofie Klokk. Ho går i sjetteklasse ved Valderøy barneskule.
Årsaka til dette er at det store elevtalet fører til at det er svært trongt på skulane. Det er trongt i klasseroma, og dei må ta i bruk korridorane til undervisning. Garderobane er fulle med klede. Både vaksne og born sit tett på skulen.
- Les også:
- Les også:
– Kommunen heng etter
Det har vore ei enorm bustadbygging i Giske dei siste åra. Folketalet har auka frå vel 6000 til 7300 på ti år.
– No har vi ikkje ei einaste kommunal tomt igjen. I år veks vi med tre prosent. Dette gjev oss veksesmerter. Det er det ikkje tvil om. Prisen på eigedomar og tomter stig raskt. Kommunen blir hengande etter og klarer ikkje å følgje med i utfordringa, seier ordførar i Giske, Knut Støbakk (KrF).
– Ny skule og nye bustadfelt
På Valderøya skal det byggjast ny skule til 250 millionar kroner. Kommunen ligg nær Ålesund, og det er lett å få seg arbeid i området. Dette inneber at mange fleire truleg kjem til å busetje seg i kommunen. Kommunen tek no opp store lån for å finansiere den nye skulen.
– Vi vil også setje i verk ein prosess for å få til fleire private bustadfelt, seier Knut Støbakk til NRK.