Det var Alexander Mathisen som la på til 2-1 like før dommaren blåste i fløyta etter første omgang. Etter 72 minutt scora Tor Hogne Aarøy. Dermed var stillinga 3-1, og slik blei også resultatet etter 90 minutt.
I tet etter seks minutt
Allereie etter seks minutt gjekk Aafk opp i leiing etter at Strømsgods-spelaren Riddez laga sjølvmål. Men Aafk fekk ikkje behalde leiinga lenge. I 22. minutt scora Strømsgods-spelaren Alfred Sankoh. Aafk kan vise til scoringar i alle sine siste 13 heimekampar. Samstundes har laget tapt tre kampar på rad.
Tapte 3-1
Det gjekk verre for Molde, som møtte Kongsvinger på bortebane måndag kveld. Då kampen var over var 3-1-tapet eit faktum. For først etter åtte minutt ut i andreomgang scora Molde sitt første mål måndag, signert Baye Djiby Fall.
Bomma på straffe
Då hadde MFK sett på at motstandarane, Kongsvinger, scora det eine målet etter det andre på heimebane. Etter 15 minutt scora Olav Tuelo Johannesen, og seks minutt seinare la Carl-Erik Torp på til 2-0. Berre tre minutt ut i andre omgang var stillinga 3-0. Magne Hoseth kunne redusert leiinga til Kongsvinger, men bomma på straffen i 82. minutt.
Les meir:
Molde vann sist
Sist gong Molde møtte Kongsvinger i Tippeligaen var på Gjemselund i 1999, då vann Molde 3-2 i april. Også då dei to laga møttes i Adeccoligaen i 2007 sigra Molde med 2-1. Kongsvinger er det einaste laget i eliteserien som ikkje har vunne på heimebane endå.
Følg kampene spark for spark her:
