Den forfalne Nerlandsøybrua får 120 millionar

I innstillinga frå utvalet er det sett av 20 millionar kroner i 2017 og 100 millionar kroner i 2018.

Bjarne Kvalsvik, uavhengig representant i samferdselsutvalet, er glad for at pengane kom på plass.

– Eg er utruleg glad for at Samferdselsutvalet var samrøystes om å gi til saman 120 millionar til opprusting av brua.

Kritisk stilt

For to år sidan fekk dei vite at brua berre hadde to år igjen før den stod for fall. Brua har lenge vore kritisk stilt, og er avhengig av ei oppgradering for at det skal vere trygt for tyngre køyretøy.

• Les også: Fleire store og små bruer er i urovekkjande dårleg stand

– Eg var rimeleg sjokkert då eg såg at fylkesrådmannen ikkje hadde rekna med pengar til Nerlandsøybrua. Men den nye beskjeden er gledeleg for folket på Nerlandsøya.

Kvalsvik var redd for at planlegginga av bruoppgraderinga skulle stoppe opp. Men no har han fått tilbake håpet, seier han.

• Les fleire nyheiter