Fleire vel yrkesfag

65 prosent av elevane i Møre og Romsdal har søkt yrkesfag. Det viser søkartala til dei vidaregåande skolane for skoleåret 2024–2025. Søknadsfristen for dei vidaregåande skolane var fredag 1. mars.

Andelen søkarar til yrkesfag har auka med seks prosentpoeng samanlikna med tala for i fjor.

Leiar av inntaksseksjonen i Møre og Romsdal fylkeskommune, Maria Enstad, seier dette er ei historisk høg søking til yrkesfag, både i prosent, men også i absolutte tal.