For tidleg å konkludere om årsak

Politiet har starta etterforsking av trafikkulykka på Høgset i Gjemnes i går der to menn i 20-årene frå Kristiansund omkom. Ulykkesgruppa til Statens vegvesen og teknikkarar frå politiet gjorde i går fleire registreringar på ulykkesstaden. Det blei også brukt drone for å finne ut korleis ulykka kunne skje. Bjørn Inge Knutsen, politioverbetjent, seier at det er for tidleg å trekke konklusjonar om årsaka til ulykka.