Fryktar tunnelen blir nedskalert
Stortingsrepresentant Jenny Klinge ber samferdselsministeren svare på om dei 20 millionane til Stad skipstunnel som regjeringa og KrF blei samde om i budsjettforliket, er eit startløyving eller ikkje. I regjeringa sitt forslag til statsbudsjett var det ikkje lagt inn pengar. Samferdselsminister Jon Georg Dale har tidlegare sagt at kostnadane i prosjektet må ned. I sitt skriftlege spørsmål til samferdselsministeren skriv Klinge at ho fryktar at skipstunnelen blir nedskalert til berre å ta mindre skip.
