KAN BLI HOVUDSETE: Ålesund sjukehus kan bli sete for administrasjonen for det nye helseføretaket.
Foto: NRKHerter er tillitsvald for legane ved sjukehuset i Kristiansund. Han er godt fornøgd med at administrasjonen i Helse Midt-Noreg torsdag føreslo å leggje administrasjonen i det nye helseføretaket til Ålesund.
- Me er ikkje overraska, for å seie det slik, seier han.
- LES OGSÅ:
Erfaren organisasjon i Ålesund
- Dette var ei klok og fornuftig innstilling. Eg trur Ålesund er rette staden å samle fellesadministrasjonen, rett og slett fordi ein der har ein erfaren og velfungerande administrasjon, meiner Herter.
Han viser til at Helse Sunnmøre det siste tiåret har vist at det fungerer bra, trass i store utfordringar og ein del konflikter mellom sjukehusa i føretaket.
- I motsetnad til det ein har opplevd i Nordmøre og Romsdal.
- REAKSJONEN FRÅ MOLDE:
Vil ha leiarar på sjukehusa
Herter trur den nye organiseringa der Møre og Romsdal blir eit helseføretak vil vere med på å minke konfliktnivået. Dette håper han skjer ved at det blir ein mindre sentral administrasjon, og fleire leiarar på kvart enkelt sjukehus.
- Det har ikkje vore synlege leiarar i Kristiansund og Volda til no, og det har mellom anna Legeforeninga påpeika. Det har vore defensivt og mangel på leiing, noko som forhåpentlegvis vil endre seg med administrasjon på kvart sjukehus, seier han.
- Avstand ikkje problemet
Det at den nye administrasjonen no blir lagt til Ålesund i staden for Molde ser han ikkje på som eit stort problem.
- Det som er problemet er ikkje kor langt unna du sit, men om du har leiing på huset eller ikkje. For dei som sit i styret og har reist fram og tilbake blir det større avstand, men for dei tilsette i Kristiansund vil dette bli betre, meiner han.
