16 timar i kø
Harald Aamaas stod i kø i seksten timar for å sikre seg billetten til AaFK sin første cupfinale i fotball. Klokka eitt natt til måndag stilte han seg opp ved klubblokala til Stormen der døra opna klokka 17 om ettermiddagen.
- Men no kan eg legge meg med ro i sjela i kveld og vite at eg får oppleve det største i mitt liv den 8. november, seier han etter at billettane er sikra.
Kunne fylt stadion tre gongar
Kampen stod om 230 billettar som vart lagde ut for sal. Ullevaal stadion tar rundt 25.000 tilskodarar men tre gongar så mange har sett seg på liste for å komme inn. Då gjer det ikkje så mykje for Harald Aamaas og dei andre i køen at dei må stå nokre timar i kø.
- Hjertet mitt har nesten ikkje stått stil siste veka, seier Aamaas som har utforska alle moglegheiter for å få seg billettar. Supporterklubbens salg blei dermed einaste løysinga, og den nytta han.
Mange i køen
Seksti -sytti personar stod i køen då salet starta. Leiar for Stormen, Tom Valderhaug synes det var kjempeartig å vere med og sjå så mange interesserte som stilte opp for å sikre seg billetar. Og det trass i at veret langt ifrå var på sitt beste.