Viikko 19. Hallitus tuli ulos tarkistetun valtionbudsetin kans. Venäjälä feirathiin voittoo toisessa mailmansođassa, ja kuningas Harald oon sairhausfeeriällä.
Viikko 18. Viisi nuorta haavoittui vakavasti auton ojhaan ajon jälkhiin. Venäjä väittää ette Ukraina olis hyökäny Kremlhiin, ja Serbiassa oon tapattunnu kaksi ampumaepisodii.
Episodi 15. Rekordimoni norjalainen nuori mies polttaa silloin tällöin tupakkaa. Suuri määrä salaissii USA:n puolustusvoimiin dokumenttiita panthiin ulos internetthiin ja nuori mies kuoli lastipiilin alle Steinkjerin keskipaikala.
Episodi 9. Saamelaiset nuoret oon näyttäny meininkkii koko viikon aijan. Iranissa ainaki 1000 tytärkoululaista oon myrkytetty ja Hellaksessa tapattui suuri junaonnettomuus.
Episodi 8. Siitä oon vuosi ko Venäjä hyökkäs Ukrainhaan ja aloitti sođan maitten välilä. Saamelaiset nuoret vastustethaan Fosen-tuuliturbiiniita ja USA:n presidentti Joe Biden kylästeli Ukrainassa.
Episodi 6. Ainaki 21 000 ihmistä kuoli maanvapinassa Turkissa ja Syyriassa. Johnny Vassbakk tuomithiin Birgitte Tengsin taposta ja Norja valitti sen Euroviisu-ehđokkhaan.
Episodi 5. Hinnat nousi hetkeksi lähes Norjan kaikissa putikiissa. Norjalainen flyyifirma Flyr meni konkurshiin ja moni uskoo, ette Venäjä meinaa tehđä suurhyökkäyksen Ukrainhaan fepruaarikuun aikana.
Episodi 4. Turkin ja Ruottin välit oon huonontuntheet koraanin polton jälkhiin Turkin ambassadöörin eđessä Stockholmissa. Uslussa tapahtui maanantaina ampumistappaus ja Estonian onnettomuuđesta oon saatu lissää informasuunii.
Viikon 3. Viikonloppuna kaksi rikolisroikan jäsentä ammuthiin Kansalisteatterin lähelä Uslussa. Franskassa ihmiset vastustaa uutta pensionistiikkää ja meiđän mailmassa kväänikansan päivää tulhaan feiraamhaan yhä usheemassa komuunissa Etelä-Norjassa.
