Ulven vart skoten i området rundt Gyland ved 12.15-tida, skriv Fædrelandsvennen.
Rovviltkontakt i Statens naturoppsyn, Jon Erling Skåtan, seier til avisa at det dreier seg om ein stor, vaksen hannulv.
– Sidan då er han sett av to-tre personar, seier Skåtan.
Også avisa Agder skriv at ulven har blitt observert fleire gonger den siste tida. Agder skriv også at det vart observert ein ulv i Sirdal mellom jul og nyttår. Her vart også sauer drepne.
Det har vore lisensjakt på to ulvar i rovviltregion 1, som omfattar Vest-Agder, Rogaland, Hordaland og Sogn og Fjordane. Det er framleis lisensjakt på ein ulv.
Aust-Agder høyrer til rovviltregion 2. Her er det framleis fellingsløyve på to ulvar.
