Vieljáguovttos Tor ja Halvdan Nilsen eaba soabat galgá go sutno viesu bokte luoddanamma sámi- vuoi dárogillii.
Vuolláičállán hilgundihte sámi luoddanama
Halvdan Nilsen hálida dárogielat nama iežás mánnávuođa báikki luddii 'Kjerringdalsvegen'. Son ballá ahte olbmot eai máhte dán nama, ja erenoamažit mánáide šaddá váttisin.
Foto: Klemet Anders Sara / NRK-SápmiSullii 50 olbmo leat vuolláičállán ahte eai hálit sámegielat luoddanama Goržžis Vádjájoga radjái. Gáivuona suohkan lea árvalan dán luoddii Áhkkávággebálggis. Dat vihttálogis geat leat vuolláičállán dán listui orrot suohkana evttohuvvon nama bálddás, sii dáhtot suohkana rievdadit dán nama dárogillii "Kjerringdalsvegen".
Vuolláičállit oaivvildit ahte báikkálaš nammageavaheapmi dáppe lea "Kjerringdalsveien", ja dán ferte geavahit boahteaiggis. Sámegielat namma lea váttis čállit, dadját ja ipmirdit. Dát ii heive maid go galgá ásahit luoddanama. Sii dáhtot suohkana váldit sin vuostildeami vuhtii, nu ahte Áhkkávággebálggis šaddá Kjerringdalsveien.
Vieljáguovttos eaba leat ovttaoaivilis
Áhkkávákki vieljáguovttos, Halvdan ja Tor Nilsen eaba leat ovttaoaivilis galgá go sámi- vuoi dárogillii namma. Halvdan, boarrásat viellja oaivvilda ahte luddii ferte bidjot dárogielat namma, go dán ipmirdit buohkat. Su mielas šaddá váttis boahtevaš bulvii geavahit dan sámegielat nama go mánát eai máhte šat sámegiela.
Nuorat viellja, Tor Nilsen mielas orru lunddolaš geavahit dan nama mii ágibeaivvi lea
Tor Nilsen, Áhkkávákkis hálida ahte Goržžis Vaddjájohkii galgá bisuhuvvot dálá nama, Áhkkávággebálggis. Jus suohkan rievdada dán nama, de oččot maid heaittihit gohčodit iežaset sámegiela hálddášanguovlun.
Foto: Klemet Anders Sara / NRK-Sápmigeavahuvvon, namalassii Áhkkávággebálggis. Jus dál Gáivuona suohkanstivra rievdada nama de oččot maid heaittihit sámi hálddášanguovlun gohčodit Gáivuona, ja dát lea njulgestaga ođđa dáruiduhttin jus nu geavva, loahpaha Tor Nilsen.
Ovttaoaivilis ahte Áhkkávággebálggis lea álo leamaš
Vieljáguovttos eaba leat gullán go Áhkkávággebálgán luoddanama ovdal. Tor Nilsen muitala ahte sin áhčerohkki ii diehtán eará nama go Áhkkávággebálggis, ja ovdal ledje dušše sámegielat namat dáppe Olmmáivákkis. Seamma oavilis lea maid Halvdan, muhto hálida dárogielat nama Kjerringdalsvegen.
Suohkanstivra mearrida
Loahpas lea suohkanstivra gii mearrida luoddanamaid Gáivuonas čoahkkimis dán dahje boahtte mánu.1. beaivvi guovvamánu lei áigemearri buktit cealkámuša álbmogis, ja dál suohkanstivrra duohken mearridit luodda namaid, muitala Gáivuona sátnejođiheaddji Svein Leiros. Leiros ii sáhte árvvoštallat makkár namaid válljejit ovdal čoahkkima.
Gula Halvdan Nilsena manne ii fuolá sámi luoddanama:
Halvdan Nilsen ii hálit sámi luoddanama.
Gula Tor Nilsena go ii leat seamma oaivilis go vielljá Halvdan:
Tor Nilsen gal hálida sámegielat luoddanamaid.
