– Sámi kulturmuittut ja visttit duođaštit sámi geavaheami ja leahkima eanadagas. Danne lea dehálaš suodjalit, gáhttet ja oainnusin dahkat sámi kulturmuittuid boahtteáigái, cealká sámediggeráđđelahttu Thomas Åhren.
Sámediggeráđđi bovde kulturmuitokonferánsii Guovdageidnui njukčamánu 11. ja 12. beaivve Sámedikki ođđa sámi kulturmuitosuodjalusdieđáhusa hábmema birra.
Danne lea kulturmuittuid suodjaleapmi ja hálddašeapmi deaŧalaš oassi Sámedikki barggus.
Sámi álbmoga vássánáiggi ja historjjá hálddašemiin háliida Sámediggi bidjat váldoeavttuid. Danne lea sámediggedieđáhus sámi kulturmuitosuodjalusa birra dehálaš dán bargui boahttejagiin, čállá Sámediggi
Dieđáhusa guovddáš áššit čatnasit earret eará Sámedikki formálalaš hálddašanváldái, 100-jagi njuolggadussii sámi kulturmuittuin kulturmuitolágas, máhtu gaskkusteapmái sámi kulturmuittuid birra ja sámi kulturmuitosuodjalusa ekonomalaš rámmaide.