Ođđa mánáidgirji lea gieskat almmustuvvan Várdobáikkis. Dán girjjis lea sáhka guovtti smávvá vávvážis, Elles ja Ánddás. Girjji namma lea "Elle ja Ándá fearánat viervvás", ja dát lea sihke sáme- ja dárogillii. Várdobáiki ja Skániid girjie dat leat almmustahttán dán mánáidgirjji.
Mátta Romssa girjebusse tiŋgui juoga sámemánáide
Mátta Romssa girjebusse tiŋgui sutnos juoga sámi mánáide danne gávnnaheigga ahte heivešii oasttit vávváid ja ráhkadit vávvábiktasiid. Soai goaruiga gávttiid, luhkaid, sámegahppiriid ja čázehiid, vai mánát besset daiguin stohkat. Ja de lágideigga daid girjebussii muhtin kássaide, vai mánát daid sáhtte luoikkahit. Ja dáid dat gal mánát luoikkahedje oalle viššalit.
Girje lea sáme- ja dárogillii
Tone Elvebakk ja Janne Olsby leaba maŋŋil čállán teavsttaid dán guovtti vávvá birra. Ja dál lea dás almmustuvvan girji mas leat olu govat. Govvideaddjin lea Sigrid Schrøder leamaš.
Soai čáliga teavsttaid dárogillii, ja Ántte Mihkkal Gaup lea de jorgalan teavsttad sámegillii.