Inger Marie Aikio, lea buolbmatjávrelaš. Son lea beaggán oalle guhká juo go son lea ollu, ollu jagiid bargan Yle-Sámeradios doaimmaheaddjin. Son lea diktačálli, filbmadahki, ja maiddái girječálli. Dál lea son Suomas ožžon 15 000 euro sturrosaš stáhtabálkkašumi justa fal mánáidkulturvrra bargguid ovddas.
Illuda bálkkašumiin
Eallimis duohta olmmoš ii dieđe, lohká Inger Marie Aikio, ja muittaša makkár son mánnán lei. Iežas lohká lean nu udjun ahte ii duosttán jitnosit hállat luohkká lanjas. Maŋŋilis hálái olbmuide moaddelot jagi radiosáddagiin, ja maŋŋil dan lea mátkoštan iešguđet guovlluin máilmmis lohkamin divttaidis stuorra olmmoš albmogiidda.
Bálkkašupmii ii geatnegahte masage
Dál Inger Marie Aikio lea giitevas bálkkašumiin, iige jáhke dát geatnegahttá su lassi bargui. Ruđa áigu geavahit alccesii. Ođđa čalbmeglásaid juo oasttilii. Dál áigu geahčadišgoahttit iežas nuoraidrománačállosa, divodit dan veaháš ovdalgo sádde dan deaddilahttimii.
