Hopp til innhold

Fylkaráđđealmmái: – Ealgabivdu ii berre divrut

– Fuođđo- ja jávrebivdohattit eai berre divrut Finnmárkkus, oaivvilda Finnmárkku fylkaráđđealmmái Øystein Ruud.

Elgjakten er i gang
Foto: Kallestad, Gorm / NTB scanpix

Dan son ávžžuha dan oktavuođas go Finnmárkku fylkadiggi golggotmánu 15. beaivvi galgá gieđahallat ođđa strategiijadokumeantta maid Finnmárkkuopmodat (FeFo) lea sádden gulaskuddamii.

Øystein Ruud

Finnmárkku fylkaráđđealmmái Øystein Ruud oaivvilda ahte FeFo badjebáza berre boahtit ávkin Finnmárkku ássiide.

Foto: Bjarne Riesto / Finnmark fylkeskommune

Finnmárkku ráđđealmmái rávve politihkkáriid dohkkehit árvalusa, muhto ávžžuha ahte dokumeanttas galgá čielgasit lohpidit ahte fuođđobivdu ja guolásteapmi ii galgga divrut boahtte áiggis.

Olgodaddan dehálaš dearvvašvuhtii

Dasa lassin su mielas Finnmárkkuopmodat galggašii buorebut deattuhit álbmotdearvvašvuođa luondduhálddašeami oktavuođas.

Su mielas meahccevánddardeapmi lea dehálaš dearvvašvuhtii, ja háliida ahte dat prinsihppa galgá leat oidnosis FeFo strategiijadokumeanttas.

– Ruhta berre boahtit ávkin ássiide

FeFos berre leat nana ekonomiija, boahtá ovdan strategiijadokumeantta árvalusas mii lea gulaskuddamis skápmamánu 23. beaivvi rádjai.

Muhto ráđđealmmái oaivvilda ahte vejolaš badjebáza berre sirdojuvvot Sámediggái ja fylkagildii vai ruđat bohtet ávkin fylkka ássiide.

Korte nyheter