Gieskat oaččui Nuorta-Finnmárkku politiijaguovlu mediafuomášumi, go gárte politiijaguovllu bealis čálašit TV-guvtteža dovddus prográmmajođiheaddjin, Davy Wathne:iin.
Davy Wathne cuiggodii
Politiija doaimmaguovddáš lei álmmuhan Twitter dieđu, mas čálli lei ribahan čállit boastut.
Dán cuiggodii Davy Wathne garrasit ja politiijameašttir, Ellen Katrine Hætta, válljii vástidit sámegillii Twittera bokte Whatnii.
Easkka de buollái mediafuomášupmi ja dan ii lea Hætta vuordán.
Čállinmeattáhus
Davy Wathne cuiggodii ge Nuorta-Finnmárkku politiijaguovlu twitter dieđu maid ledje almmuhan dárogillii, danin go das lei smávva čállinmeattáhus.
Ja de mearridii ge politiijameašttir vástidit Wathneii sámegillii suohttas dihtii, vaikko diđii ahte Wathne ii ádde sámegiela.
(Ášši joatká gova vuolábealde)
Dá čalašeaba Nuorta-Finnmárkku politiijaguovllu politiijameašttir Ellen Katrine Hætta ja TV-guvtteža dovddus prográmmajođiheaddji Davy Wathne, twitteris.
Foto: Skjermdump foretatt av Nordlys.noJáhkii son šikkohalai
Wathne lea lohkan eará mediaide ahte go oinnii sámegiel vástádusa de jáhkii ahte politiijameasttir vikkai šiggut su dáinna, muhto Hætta deattuha ahte ii lean danne manin son čálii sámegillii.
– Heivvolaš twitter geavaheapmi
Leat sihkkarit olusat geat imaštallet ahte lea go son dát vuohki heivvolaš twitter geavaheapmi ovtta politiijaguovllus, ja Hætta mielas lea dát áibbas ortnegis vuohki.
- Guldal olles ášši
