Báhkkečátná man maid gohčodit Chagan, dát lea dego guoppar, mii šaddá muoras. Das leat olbmot ávkkástallan don doloža rájes, ja dál lea fas dás badjánan sáhka danne go olbmot leat fas ávkkástallagoahtán dás. Nu šaddá maid sáhka das. Buoremussan lohket dálkkasin báhkkečátná mii soahkai šaddá.
Soahkeguobbariid geavahit dálkkasin.
Máret Sárá čállá girjjistis "Luođu láhjit" ahte ovdalis áiggiid leat rávven dušše dán guobbaraváibmosa geavahit dálkkasin, muhto ođđaseamos iskosat čájehit ahte čáhppes smierus oasis leat beaktileabbo dálkkasávnnas go váibmosis.
Chaga lea su dálkkas
Dagrun Sarak Sara ii loga iežas dárbbašan doaktáris viežžat dálkasiid, son lea baicce viežžalan meahccis chaga mii lea soahkeguoppar. Rievttimielde ii galgga dán goabbara borrat, muhto das sáhttá teaja vuoššat, ja teadjan dan geavahit dán. Danne Sara álo viežžala meahccis soahkeguobbara ja vuoššala das dálkasa go dovdá iežas nugo nurvui fáhtehallamin. Dás jugista son ovtta gohppu beaivválaččat. Lihter jugus bistá sus vahkku.
Interneahtas gávdna eanet dieđuid
Interneahtas lea vejolaš viežžat Chaga-guobbaris eanet dieđuid. Doppe logan dán sohkeguobbara galgá vuoššat, ja ahte das leat olu dálkkas laganaš ávdnasat. Dás oažžu mángga dávdii veahkki, nanne iežas golgodávddáid vuosta ja dát lea maid ávkkálaš borasdávdábuhcciide go dát hehtte šattalmasaid stuorrumis. Hehtte maid siedjumiid, vuolida sohkarmeari varas, ja váldá maid bákčasiid. Dagrun Sarak Sara muitala iežas beassan bakčasiin go jugai dán teaja, vaikke sus lei giehta vietnan.
Hør innslag om Chaga med Marit Tapio Guttorm