Oanehaččat

  • Berrejit sáhttit giddet rájáid

    Norga berre sáhttit giddet Ruoššaráji Kirkonjárggas daid áigodagaid go bohtet olu dorvoohccit, ja Giddenváldi berre addot politiijameaštárii. Oaivvilda Davvi-Norgga Finnmárku politiijameašttir Ellen Katrine Hætta. Finnmárku politiijaguovlu doarju maid evttohusa rievdadit Olgoriikalaččaidlága vai sáhttet biehttalit dorvoohcciid boahtimis Norgii.

  • Cegget Sámi muitomearkka gávpogii

    Troandima gielda háliida cegget Sámi muitomearkka gávpogii. Dát galgá leat muitomearkan dan 20 sápmelažžii, geat soađiáigge báhtaredje Troandimii ja jápme dohko, ja hávdáduvvojedje Stavne kirkogárdái. Gielddadirektevra Ola By Rise lohká alddiineaset áigumuš cegget muitomearkka sámi 100 jagi ávvudoaluide mat leat boahtte jagi. Dalle lea čuođi jagi áigi go sámi vuosttaš riikkačoahkkin dollojuvvui Troandimis govvamánu 6. beaivve 1917.

Laster Twitter-innhold

På forsiden av NRK Sápmi nå