Háliida ođđa Deanusoahpamuša
Suopma háliida ođđa Deanusoahpamuša Norggain vai seailluhivčče luosa boahtteáiggi jogas. Dat lea boađus Suoma ja Norgga ovddasteddjiid šiehtadallamiin ikte Helssegis. Sii sohpe ahte 2017is galgá dálá luossabivdu leat unniduvvon goalmmádas osiin. Bivdoráddjema ávžžuhii dutkanjoavku mas leat sihke suopmelaččat ja norgalaččat.