Gáibida váikkuhusguorahallama
Sámedikki dievasčoahkkimis digaštalle ikte Tveteråslávdegotti evttohusa ahte mearrabiebmoindustriija galgá oažžut lobiid fatnasiid geavahit ja guolleeriid oastit.
Árjja- bellodat celkkii ahte ná stuorra nuppástupmi Norgga guolástanpolitihkas eaktuda viiddis váikkuhusguorahallama mas erenoamážit deattuhuvvo mearrasámiid dilli.
Áššejođiheaddji Inger Eline Eriksen dadjá ahte dákkár nuppástus buvttášii stuora váikkuhusaid mearrasámi kultuvrii ja servodahkii.