Sii fertejit guorahallát leago sámiin vuoigatvuohta bissehit dan, ahte sámi kultuvra ja biktasat hágganit amas guovlluide ja olbmuide, lohká Norgga sámediggepresideanta ja Sámi párlamentáralaš ráđi jođiheaddji, Egil Olli.
Dán son lohka maŋŋágo fuomášuvvui ahte Ámerihkás vuvdet gávttiid Halloween bivttasin.
- Son ii leat sihkkar, makkár vejolašvuođat mis lea caggat diekkár daguid, muhto mii berret dan iskat ja bidjat njuolggadusaid, ahte váihko gii ii sáhtašii gávtti boastut geavahit, dadja Olli.
Vuvdojuvvo hállemas bivttasin
Austin Texas-neahttasiiddus, Ámeriikas dat lea dál vejolaš oastit halloweenbiktasa, mii sulastahttá Guovdageain gávtti. Halloween dahje hállemas ávvudeapmi lea ovddit čuohtejagi rájes ávvuduvvon ámeriikas ja olbmot gárvodit vaikke mo dán beaivvi. Dát lea dál viidánan miehtá máilmmi.Dása dat leatge gorrojuvvon gávttit mat galggášedje sulástahttit guovdageainnu dievdogávtti.
Sámiráđi jurista Jon Mathias Åhren logai ikte, ahte sámi párlamentaralaš ráđđi ferte bearráigeahččat, ahte sámi árbevierru ii dulbmojuvvo.
- Dat berre leat orgána, mii ovddasda olles sámi guovllu, lohka Åhren.
Egil Olli lohka boahtte čoahkkimis 2 vahku geažes fertet ovdanbuktit dán ášši.
- Dál lea dárbu ođđasit váldit dán ášši ovdan ja geahččat mo sáhttit bargat dainna viidáseabbot.
- Leago duođalaš du mielas, go ná dahkko?
- Lea dieđusge gitta das, mo ja man oktavuođas ná dahkko. Dán dáhpáhusas son gal adde bures, go olbmot reagerejir dása. Sámit galggašedje beassat ieža mearređit mo gákti geavahuvvo, lohká Olli.
GULDAL ÁŠŠI: