Det er ein tysk veteranbilklubb med medlemmer frå mange land som eig desse svært spesielle bilane. Alle er bygde under krigen og er utvikla på grunnlag av dei første Folkevogn-modellane.
Ein del av desse bilane var i Noreg under krigen, fortel Harald Ulvestad, veteranbilentusiasten som har invitert klubben til Noreg. Han kjøpte sjølv ein slik bil i 1948 og har hatt han sidan. Fleire av dei er amfiebilar med propell bak.
Bilane skal køyre rundt omkring på Sunnmøre i helga før dei snur sørover igjen.