Viltstyresmaktene reknar med at det er den same bjørnen som drap sauer i dette området i fjor og som har drepe sauer på strekninga Vistdalen - Verma - Bjorli. Mest truleg er det ein ung hannbjørn som er på streif.
Det blir no sett i gang bjørnejakt i Vistdal - Isfjordområdet. Fleire buskapar i dette området hadde store tap i fjor, og styresmaktene fryktar at det same kan skje i år dersom bjørnen held seg her utover i beitesesongen. Enno er det berre kort tid sidan sauene blei sleppte på beite.
Fellingsløyvet gjeld til og med 22. juni på halvøya mellom Isfjorden og Langfjorden avgrensa av riksveg 64 gjennom Vistdalen i nordaust, kraftlinja gjennom Hornedalen i aust og fylkesvegen gjennom Grøvdalen i søraust.
