Mange byar og bygder i Noreg har kunstverk som Skjølsvik har laga. «Klippfiskkjerringa» i Kristiansund er eit av dei. I Ålesund står «Sildekona» og statuen av John Arne Riise. Denne statuen har fått namnet «Fotballspilleren».
– Dette er ein stor dag for meg. Det kostar mykje pengar. Dette er ei stor gåve til Angvik og det er ei stor gåve til meg, seier Tore Bjørn Skjølsvik.
Skulpturar og måleri
76 av kunstverka til Tore Bjørn Skjølsvik er samla i galleriet i Angvika. Her står gipsoriginalar og avstøypngar av fleire av dei mest kjende skulpturane, og her er 30 oljemåleri.
– Det som blir vist her er eit snitt av det eg har gjort som kunstnar, seier Skjølsvik.
Set kunstnaren svært høgt
Kjøpmann og investor Stig O. Jakobsen, som saman med kona Eli har satsa mykje for å få til dette galleriet, set stor pris på kunstnaren.
– Det er ikkje tvil om at Tore Bjørn Skjølsvik er ein av dei største bilethoggarane våre. Han er kjend for å halde fast ved det tradisjonelle. Dette er kunst vi forstår, seier Stig O. Jacobsen.
Galleri der Skjølsvik har røtene sine
Biletkunstnaren Tore Bjørn Skjølsvik har røtene sine i Angvika. Og det var svært viktig å få lagt dett galleriet nettop dit.
– Vi tykkjer det er stort å få fortelje ei historie frå Angvik-bygda. Dette er med på å forsterke vår innsats rundt bygginga av identitet og historie rundt Angvik gamle handelssted, seier Stig O. Jacobsen.