Her er «Floatel Superior» på veg ut igjen til Njord-feltet

I alt 326 tilsette måtte evakuerast i hui og hast, då boligplattformen byrja å krenge tidleg om morgonen. Eit laust anker slo hôl på to av plattformen sine ballasttankar, noko som enda i slagside på 3-4 grader.

• Les også: Her blir de evakuert fra plattformen
• Les også: – Jeg kjente at bølgene tok tak i plattformen

Tysdag, snart tre veker etter den dramatiske evakueringa, var boligplattformen «Floatel Superior» på veg ut igjen til Njord-feltet og Njord A-plattforma.

Gjekk litt lenger tid enn venta

– Plattforma blei slept inn til kai i helga. Det er funne fleire hol i den eine ballasttanken.

Det sa Peter Jacobsson i Floatel International fem dagar etter hendinga.

I same intervjua sa Jacobsson at han trudde det ville gå mellom éi og to veker før plattforma var i drift igjen.

• Les også: Boligriggen snart reparert
• Les også: Her er plattform-sprekkene
• Les også: Ventet til kai på lørdag

Det tok dermed litt lenger tid før «Floatel Superior» kom seg på føtene igjen, men tysdag var altså boligplattformen i drift igjen.

– Det to litt lenger tid enn vi hadde rekna med, men no er alle ankera fjerna og hola tetta, seier Peter Jacobsson til Tidens Krav tysdag.

Saka held fram under bildet.

Mellom 100 og 120 gjestar

Når plattforma no er på veg ut igjen i Norskehavet, følgjer mannskapet same rute.

– Vi har allereie starta å flyge helikopter ut til boligplattformen. I løpet av tysdagen skal vi ha seks helikopterflygningar frå Kristiansund ut til «Floatel Superior».

Det seier Sverre Kojedal, Statoil sin informasjonssjef i Drift Nord til Tidens Krav.

Når boligplattformen då er framme ved Njord A, vil det vere mellom 100 og 120 arbeidarar, alle klar til å gjere ferdig jobben som måtte setjast på vent 7. november.

No skal boligplattformen ligge ved Njord A fram til nyttår.

• Les også: Evakuert fra Njord A til NAV
• Les også: Rumpetroll i kriseinstruks
• Les også: Bellona reagerer kraftig