Iige jáhke dan moktiige čuohcat spábbačiekčamiidda, lohká Conifa presideantta Per-Anders Blind.
Eaba dohkket Ruošša šiehtadusa
Nato ja EU eaba dohkket Ruošša šiehtadusa Abkhasian, šiehtadus mii dán vahkkus lea dáhkkon Sotsjis Ruoššas. Abkhasia mii gulai Georgiai, lea cealkán ahte sii leat sierra stáhta, ja Ruošša lea okta riikkain mii dan lea dohkkehan.
Dáhttu stivrejumi
Ruošša dáhttu stivrejumi doppe, nu go Krim-sullos Ukrainas. Mo de dát guoská Conifai, mas maid Sápmi lea mielde. Abkhasia ja Mátta-Ossetia, eará guovlu maid ruošša dál dáhttu stivret, sis leat spábbačiekčanjoavkkut maid vuosttá sápmi lea čiekčan mannan gease ja soitet boahtte gease fas čiekčat sin vuosttá .
Sápmelaš, Conifa presideantta Per-Anders Blind ii loga ođas ahte dáid guovlluid eai dohkket, muhto leat beassan Conifai mielde ja sii jurddašit dušše valáštallama beale das.
Ii vuordde makkárge váttisvuođaid
Nrk Sápmi ii leat fidnen makkárge kommentára Norgga olgoriikadepartemeanttas dasa ahte rávvejit go sámi joavkku, mas leat maid ollu Norgga stáhtaborgárat, čiekčat dáid joavkkuid vuosttá, muhto seamma departemeantta siidduin lea ráva ahte olbmot eai mátkkoš Abkhasiai eai ge Mátta-Ossetiai.
Conifa presideantta ii vuordde makkárge váttisvuođaid go diet joavkkut ja vel Nagorno Karabahk, servet Isle Of Man:ii čiekčamiidda boahtte gease.
Guldal olles ášši: