(Jearahallan vuolimusas dn siiddus, intervju med Larsen nederst på sida).
Ollu Davvi Norgga issoras ja gelddolaš muitalusain leat čohkkejuvvon ja prentejuvvon girjjiide. Silvetváhkelaš ja Oahpaheaddji Allaskuvlla vuosttaš-amanuensa Tromssa Universitehtas, Roald Larsen dat lea čohkken ja čállán issoraš ja gelddolaš muitalusaid viđa girjái.
Ruottus gulai olu muitalusaid
Roald Larsen muitala iežas bajásšaddan ruovttus gos gulai áhččis muitaleamen fearániin maid olbmot ledje vásihan. Muitalusat ledje imašlaš dáhpáhusat maid ii oktage sáhttán čilget.
Su eadni ges lei oaidni, son diđii áššin maid son ii mangeláhkai livččii sáhttán diehtit. Dattetge diđii son dakkáraš áššiin mat ledje nugo son muitalii. Olbmot bohte olu guovlluin su deaivat, gullandihtii iežaset boahteáiggis. Sus ledje oaidnin attáldagat.
L97 bovttii su čohkkegoahtit imašlaš muitalusaid
Dat maid son bajásšattadettiin gulai ja oinnii dagahedje su sáhkin. Son jurddašišgođii hui olu died áššiin, ja de čohkkegođii imašlaš muitalusaid sullii 1997 - 98.
Maiddái vuođđoskuvlla oahpahusplána L97 bovttii su jurddašišgoahtit mo buoridit gaskavuođaid boarrásiid ja skuvllaohppiid gaska. Das muitala lohkan ahte boarrasat olbmuid ja mánáid gaska galggašii buoret gulahallan.
Dávjá lei maid dien áiggis nu ahte nuorat olbmot fárrejedje eret smávit guovlluin. Nu ii lean šat mánáid ja boarrasat boalvvaid gaska nu lunddolaš gulahallan, eaige mánát šat šaddan dološáigge muitalusaid gullat nugo ovddešáigge.
TV válddii olbmuin buot friddjaáiggi
Maŋŋilgo tv bođii juohke dállui, de eai šat čohkkán olbmot ja muitaladdan nugo ovddešáigge dahke. Danne gávnnahii Roald Larsen buoremussan čohkkegoahtit muitalusaid ja čállit daid girjái. Nu leage son dán rádjai čállán vihtta girjji, main čállá imašlaš, ja máiddái issoras dáhpáhusain maid olbmot leat muitalan iežaset vásihan.
Roald Larsena maŋimuš girjji namma lea "Glødende mørketidsland". Girji lea dárogillii.
Sámegillii:
Dárogillii