NRK Sápmi lea jearralan sihke Guovdageainnu ja Kárášjoga festivála
Klemet Anders Buljo, sámi musihkka festivála.
Foto: Johan Ante Utsi / NRKlágideddjiin makkár vuordámušat sis leat dán jagáš beassášmárkaniidda.
Klemet Anders Buljo mii lea Sámi musihkka festivála gulahallanolmmoš, lohká ahte sus lea buorre doaivva festiválii.
– Mun gal duođai sávan ahte olbmot bohtet festiválii ja ahte olbmot čájehit ahte Guovdageaidnu dárbbaša beassášmárkaniid, lohká Buljo.
Kárášjogas lea beassáš prográmma buohkaide
Kárášjoga beassášfestivála stivraláhttu, Olav Sara Nikkinen, oaivvilda ahte dan jagi lea beassášprográmma Kárášjogas buorre ja dat lea heivehuvvon nu ahte lea fáladat buot ahkásaččaide.
Olav Sara Nikkinen, Kárášjoga beassášfestivála stivraláhttu.
Foto: Sigve Nedredal / NRK– Mus gal leat stuora vuordamušat ahte ollusat oassalastet min fáldagaide kárášjoga festivala oktavuođas, lohká Olav Sara Nikkinen.
Lágideaddjit sihke Guovdageainnus ja Kárášjogas sávvet ahte goappašat festiválat manaše bures.
– Mun gal sávan ahte leat olu guossit sihke Kárášjogas ja Guovdageainnus. Olbmot geat bohtet olggobeale sámi, dat eai earut leat go Guovdageaidnu vuoi Kárášjohka, dat lea Sápmi gosa sii bohtet, lohká Buljo.
– Doaivumis manná bures Guovdageainnu bealde, seamma go dáppe maid doaivvun, lohká Sara Nikkinen.
Guldal ášši das: