Silbbat suddjejit
Guovssahas orkestera son lohká leat dien jorba čiŋa sisa bidjan, baldindihtii ulddaid ja eará bálddonasaid. Son leage ráhkadan dien stuorra jorba čiŋa mii silbaleankkis galgá heaŋgát. Dolin heŋgejedje dákkáraš silbačiŋa, mas jorba lávggastagat vel ledje, njuoratmáná gietkama goavdái, dát galggai doaibmat nu ahte gufihttarat dahjege eananvuložat eai galgan lonuhit njuoratmáná alcceseaset mánnán. Silbačiŋat ledje anolaš biergasat. Dat várjáledje maid mánáid, ja meahccis ges balde guovžžaid.
Son lea hutkás duojár
Petteri Laiti lea silbarávdi ja duojár, iešge lea alcces hutkan veahkkeneavvuid, bázahusain sáhttá fitnet buriid biergasiid. Nu son loktesa guvssi maid báhkis lea ráhkadan. Go šlugila de geavjjainge gullá čuodjama, gollebihtážat ráhkadit jiena.