26.10.2014
Maŋimuš ođđasat sámegillii

Namma áddejuvvui boastut

Ođđa namma (Foto: Thoralf Balto/NRK)

Ovddeš namma áddejuvvui boastut sihke daro- ja eaŋggasgillii

Foto: Thoralf Balto/NRK

Sámi dáiddaguovddáš nuppástuthtii iežas dárogiel ja eaŋgalasgiel namaid. Dál eai dagat namat eahpečielggasvuođaid, lohká dáiddaguovddáža jođiheaddji.

Jan-Erik Lundström (Foto: Thoralf Balto/NRK)

Rámis ođđa naman

Foto: Thoralf Balto/NRK

Gieskat molssui Sámi dáiddaguovddáš dárogiel nama Samisk kunstnersenter. Dál dan dárogiel namma lea Samisk senter for samtidskunst. Ovddeš namma dagahii boasttu áddejumi, muitala Sámi dáiddaguovddáža jođiheaddji Jan-Erik Lundström. Dáiddárat unnán dihte ahte Sámi dáiddaguovddáš lea sin čájáhusbáiki. Dávjá navde dan báiki, gosa sii sáhtte boahtit bargat.

Namma áddejuvvui boastut

Go Sámi dáiddaguovddáža jorgala dárogillii, de dat áddejuvvui sámi dáiddáriid guovddážin ja ii daiddaguovdážin.

Máŋgii lea ovddeš dárogiel namma áddejuvvon boastut. Dáiddaguovddážis leat vásihan ahte dáiddárat sidjiide riŋgejedje jearrat bessetgo boahtit bargat dohko. Sii jáhkke ahte dáiddaguovddážis ledje buot bargorusttegat maiguin sii besse boahtit bargat. Eai sii diehtán ahte sis lea sierra daiddačájáhusbáiki.

Synnøve Persen jorgalan nama

Dáiddár Synnøve Persen dat lea evttohan Sámi dáiddaguovddáža dárogiel nama, nu ahte dan dálá dárogiel namma lea Samisk senter for samtidskunst ja eangalsgillii ges Sami Center for Contemporary Art. Namma čuodjá dál riikkaidgaskasaččat, lohká Lundstrøm.

Rámidit nama

Vaikko ii leat nu guhkes áigi, njukčamánus, go dát namat nuppástuhttojedje, de leat Sámi dáiddaguovddáš ožžon buriid dieđuid ruovttoluotta olbmuin, geat beroštit dán áššis. Sii oavvildit Sámi dáiddaguovddáža dahkan buori ja heivvolaš mearrádusa nammaáššis.

Ártna vuorká

10 siste fra NRK Sápmi

Hvit buffer 2
Mánáid TVHvit buffer

Hvit buffer 2
NRK Sápmi (NRKSapmi) on Twitter
Kommenter på facebook