Sunna Kitti sárgu ja ráhkada "Manga" japánalaš sárgonvuogimiel muitalusaid. Son lea maid almmuhan dáid muitalusaid sierra bláđis, mas leat lohkkit meahttá Suoma.
Oahppamin eanet
Dál son váldá media oahppu Sámi Oahpahusguovddážis Anáris. Doppe son geahčadage sárgunráiddu muitalusaid maid ieš lea álmmuhan internehttii eaŋgasgillii. Nu olahage sárgonráiddo berošteaddjiid meahttá máilmmi. Dán sárgunvuogis lea son beroštan juo mánnávuođa rájes.
Sunna lea ovccenuppeloht jahkkásaš nisu Anáris eret. Son lea boazodoallobearrašis šaddan bajás, muhto dan eat vuohte su sárgumis.
Sunna lea máŋggalágan dáiddár. Son lea maid čiekŋudan iežas animašuvdna-filmmaid ráhkadeapmái. Nu leage maid dahkan filmmaža "Unna Junna", mánáid TV ráidui.
"Manga" japánalaš sárgun, lea dat mas Sunna eanemus berošta. Dáinna geahččalage son buoridit iežas oppa áigge.