30.09.2014
Maŋimuš ođđasat sámegillii

Ii rievdat mearraluossabivddu

Marianne Balto (Foto: Eilif Aslaksen/NRK)

Sámediggi vuostilda garrasit Finnmárkku fylkamánni evttohasa maŋidit mearráluossabivddu álgima

 

Maŋŋemuš jagiid lea luossabivdu eanuin ja jogain Finnmárkkus hedjonan ja danin evttoha fylkamánni maŋidit mearraluossabivddu alggu, badjelaš mánuin. Dán ii dohket Sámediggi go dát bilida sámi árbevirolaš mearraluossabivddu, lohká várrepresideanta Marianne Balto.

-Várjalit mearraluossabivddu

 

Finnmárkku fylkamánni lea sádden árvalusa Luondduhálddášan Direktoráhtii, ahte maŋidit mearraluossabivddu geassemánu 20. beaivvi radjái. Ovdalaš lea dát bivdu álgán badjelaš mánu ovdal, namalassii miessemánu 15. beaivvi.

Fylkamánni birásgáhttenossodaga fágájođiheaddji, Harald Muladal lohká ahte evttohit dán go luossabivdu eanuin ja jogain lea nu hedjonan, ja erenoamaš čuohcá dát Detnui gos ii bálljo šat gávdno njinjelas luosat.

Doalahit árbevieruid 

Sámedikki várrepresideanta, Marianne Balto lohká dehálaš doalahit dálá sámi mearráluossabivdiid, go sii leat dán radjái juo šaddan gillát gáržžidemiid ealáhusas.

Finmmárkku fylkamánni lohká iežaset váldán vuhtii buot beliid, ja jus diktit joatkašuvvot mearráluossabivddu nu mo dál lea, de ii leat dihto leago obanassii ge vejolaš bivdit luosaid boahtte áiggi, lohká birásgáhttenossodaga fágájođiheaddji, Harald Muladal.

Sii áŋke vuostildit mearrádusa ja buktet cealkámuša go birásgáhttendepartementtii olle ášši, lohká Sámedikki várrepresideantta, Marianne Balto.

 

10 siste fra NRK Sápmi

Hvit buffer 2
Mánáid TVHvit buffer

Hvit buffer 2
NRK Sápmi (NRKSapmi) on Twitter
Kommenter på facebook

  • Tips oss
  • Kárášjohka/ Karasjok
  • E-post: samivaktsjef@nrk.no
  • Evenskjer
  • Guovdageaidnu/ Kautokeino
  • Gáivuotna/ Kåfjord
  • Oslo
  • Snoasa/ Snåsa
  • Deatnu/ Tana
  • Tromsa/ Tromsø
  • Divttasvuotna/ Tysfjord