BLACKMOON = čáhppes mánnu
Dá lei Blackmoon (1983): Inge Stangvik - lávlu/keyboard, Øystein Furuly - rumbbut, Tore Skoglund - gitára, Leif Petter Peltopera - lávlu, Bengt Roger Kåven - bássa
- Joavku álggahuvvui 1981 čavčča. Eanaš lahttut ledje 14 jahkásaččat dien áiggi. Joavkku vuosttaš namma lei Exsus, ja dalle ledje mielde Skoglund, Kåven, Furuly, ja vel Tor Gunnar Nystad ja Geir Kjellman
- Joavku almmuhii singela 1983. Das ledje guokte lávlaga: "I'm running away" ja "Være seg sjøl"
- Ulf Nedrejord lei ovtta gaska joavkku keyboard-čuojaheaddji, muhto heittii go fárrii eret Kárášjogas
Go joavku heaittihuvvui, de juohkásadde Blackmoon lahttut eará joavkkuide. Guovttes, Tore Skoglund ja Bengt Roger Kåven, manaiga dan jovkui man mii dál dovdat Intrigue nama bokte, muhto ovdal dan čuojahii Skoglund ovtta gaska Blizzard joavkkus. Øystein Furuly ges álggii Molotov Cocktail jovkui, muhto ovdal dan lei "finadan" Intrigue joavkkus.
BLIZZARD = guoldu, muohtastoarbma
Dá lei Blizzard (1986): Ellen Vuolab - lávlu, Magnus Vuolab - gitára, Tore Skoglund - bássa, Steve Strømeng - keyboard, Knut Skoglund - rumbbut
- Joavku álggahuvvui 1978. Dalle ledje mielde Ellen Vuolab, Magnus Vuolab, Hilda Vuolab, Tor Sæther, Per Helge Nilsen.
- 80-logus lonuhuvvo muhtun lahttut. Ja jovkui álge Steve Strømeng, Knut Skoglund, ja Tore Skoglund.
- Joavku heaittihuvvui 1987 čavčča. Ja dušše Ellen ja Magnus báziiga, ja gohčodeigga iežaska duo "Sáve".
MOLOTOV COCKTAIL = bensiidna-bomba
Dá lei Molotov Cocktail (1991): Ken Magne Høgden - lávlu, Kim Roar Utsi - bássa, Håkon Rushfeldt - gitára, Øystein Furuly - rumbbut
- Joavku manai čuojahan-mátkái Ruššii skábmamánus 1991. Ruovttumátkkis 18.11.91 beaškkehii sin biila oktii muhtun ruošša guorbmebiillain. Ken Magne Høgden (17), Øystein Furuly (25) ja joavkku vuoddji Ulf Nedrejord (25) dušše lihkohisvuođas. Håkon Rushfeldt (20) jámii ges 27.11.91, ovcci beaivvi maŋŋel lihkohisvuođa.
- Lávlla "Ella", man Intrigue joavku lea almmuhan maŋŋil, lei Molotov Cocktail lávlla.
INTRIGUE = riidu dahje juotna
Dá lea Intrigue (1991): Kai Somby - lávlu, Tore Skoglund - gitára, Frank Rasmus - gitára, Bengt Roger Kåven - bássa, Knut Skoglund - rumbbut
- Joavku álggahuvvui sullii oktanaga Molotov Cocktail joavkkuin (1989). Øystein Furuly lei mielde dalle go Intigue álggahuvvui
- Lea almmuhan skearruid Intrigue (cd 1994), Heavyjoik (EP 2002) ja Crossover (cd 2003)
- Bengt Roger Kåven ja Knut Skoglund heittiiga
- Joavkkus leat leamaš vel dát čuojaheaddjit: Ove Skollevoll, Steve Strømeng, Knut E. Bakkevold geat eai leat šat mielde.
- 2008 leat joavkkus: Álgolahttut Somby, Skoglund ja Rasmus. Lassin sidjiide: Øyvind Karlsen ja Geir Karikoski
