Vil ikkje forhaste seg saman med andre kommunar

Regjeringa har lagt opp til to ulike løp når dei har bede kommunane i landet om å slå seg saman.

• Les også: Kommunereform går i rasande fart – politikarane rekk knapt å henge med

Men her i fylket er det ingenting som tyder på at nokon av kommunane legg opp til eit hurtigløp for å bli del i ein storkommune frå 1. januar 2018.

• Les også: Nordfjord splitta i synet på framtidig storkommune

– Både vi i Venstre, og andre parti, vil gå for alternativ 2, som vil seie frå 2020, seier Idar Nygård (V) i kommunestyret i Hornindal.

Iveren har roa seg i Stryn

I nabokommunen Stryn var ordførar Sven Flo (H) svært ivrig etter å slå seg saman med Hornindal. Då var han ein av få ordførarar i fylket som ville gi gass mot rask samanslåing.

• Les også: Høgre-strid om kommunesamanslåingar

– Eg ser føre meg, for å vere seriøs, at Stryn og Hornindal kan vere ein mogleg kommunesamanslåing som kan skje rimeleg raskt, sa han. No har iveren roa seg.

• Kommentar: Kommentar: Er fylket liv laga?

– Vi skal ha god forankring, og det ligg heller ikkje spenstige insitament til å vere først ute. Så vi også ser det som føremålstenleg å bruke den tida vi treng, seier Flo i dag.

Vil ikkje låse seg

I Hornindal vil ordførar Anne-Britt Øen Nygård (Sp) ha ei folkeavrøysting før kommunestyret gjer vedtak.

• Les også: Møte på grensa for å diskutere storkommune

Ho vil ikkje låse seg til at det blir kommunesamanslåing med Stryn, sjølv om naboen i aust er høgaktuell.

• Les også: No ser dei storkommunane komme

– Signala politisk er at Stryn er ein veldig aktuell kommune å slå seg saman med. Men vi jobbar også med fleire alternativ, seier ho.

• Les også: Kommunereform går i rasande fart – politikarane rekk knapt å henge med