– Dette er eit valresultat som betyr at Venstre er tilbake som ein maktfaktor i norsk politikk, med ein 8–10 mandat. Og det er ekstra kjekt at Venstre er tilbake på tinget med eit mandat frå Hordaland, seier nestleiar i Venstre og 1.-kandidat frå Hordaland, Terje Breivik til NRK.
Han gjekk på talarstolen til stor jubel frå sine partifellar på Venstre si valvake på Harbour Cafe i Bergen. Venstre gjer sitt nest beste val sidan 1969.
– Og det på første forsøk med ny partileiar. Det er utruleg sterkt, og utruleg moro.
- LES OGSÅ:
Godt utgangspunkt
Katastrofevalet i 2009 førte til at Venstre vart ribba frå ti til to representantar på tinget, og partileiar Lars Sponheim trakk seg på direkten. No ser det ut til at Venstre er tilbake på nye høgder.
Breivik seier at Venstre no har ein nøkkelrolle saman med Kristeleg Folkeparti i dei komande regjeringsforhandligane.
– Me har eit godt utgangspunkt for å få gjennomslag for viktig område som klima, verdiskaping, kunnskap og velferd.
