Mexico-muren, og at Mexico sjølv skulle betale for muren, var ein av Donald Trump sine kampsaker før presidentvalet. Etter tre månader ved makta har ikkje arbeidet kome i gang, og det er betydeleg skepsis til planen blant dei folkevalde på Capitol Hill.
Ted Cruz var lenge den sterkaste motkandidaten til Trump som republikansk presidentkandidat. Han er ein av få representantar frå grensestatane mot Mexico som ope har gått ut og støtta planen om ein grensemur.
Utsette plan
Senatet og Kongressen utsette tysdag ein plan om å løyve 1,4 milliardar dollar til bygging av muren og til andre tryggingstiltak langs grensa.
No kjem altså Ted Cruz med forslag om ei løysing. Ifølgje den spanske avisa
har han lansert ideen om at verdiane det er teke beslag i etter arrestasjonen av den meksikanske narkokongen Joaqin «El Chapo» Guzman, rundt 14 milliardar dollar, skal brukast til dette formålet.14 milliardar dollar svarar til 120 milliardar norske kroner.
– 14 milliardar dollar vil langt på veg finansiere ein mur som vil gjere livet tryggare for amerikanarar og hindre den illegale trafikken av narkotika, våpen og menneske over den sørlege grensa vår, seier Ted Cruz i ei skriftleg fråsegn.
Overført til USA
Ted Cruz, som sjølv er etterkomar av kubanske immigrantar, viser til at den amerikanske regjeringa har starta arbeidet med å krevje inn verdiane som den illgjetne narkotikakongen «El Chapo» skaffa seg.
Den tidlegare leiaren for det såkalla Sianola-kartellet
i januar, etter at han greidde å flykte frå to meksikanske fengsel. Han er internert på eitt av dei mest flukt sikre fengsla i USA, der han ventar på at saka mot han skal kome opp.Tiltalen mot han er venta å innehalde alt frå ulike narkotikabrotsverk til fleire drap. Han er venta å bli dømd til livsvarig fengsel.
Han er ikkje nøgd med forholda i fengselet, og advokaten hans
til amerikanske styresmakter.Eventyrleg rik
Då han var på høgda av makta si var Joaqin «El Chapo» Guzman leiar for det største narkotikakartellet i verda. Han var eventyrleg rik, og pengane tente han i hovudsak på å smugle narkotika frå Sør-Amerika til USA.
Du kan lese den utrulege historia om «El Chapo» her:
Delstaten Sinaloa er etter arrestasjonen av «El Chapo» ramma av ei alvorleg valdsbølgje. Over 500 menneske er drepne der hittil i år, i det som verkar som å vere ein krig mellom ulike fraksjonar som kjempar om kontrollen over dei lukrative smuglarrutene til USA.