Samstundes er det stadfesta talet på omkomne no kome opp i 576, men det er frykt for at minst like mange kan ligge nedgravne i ruinane av kollapsa bygningar.
Hittil er 187 menneske berga ut av ruinane i live etter skjelvet, som hadde ein styrke på 7,2. 2608 menneske er skadde, opplyser det tyrkiske krisedepartementet.
Fekk nytt håp
Men redningsmannskapa har fått nytt håp etter funnet av 13-åringen. Sjølv om temperaturen i området no er under null grader celsius om natta, håpar dei å finne fleire overlevande. I dag har det vore både regn og snø i området, og det er stort behov for telt og ullteppe.
Enkelte overlevande som har stått i lange køar for å få utdelt telt, skuldar styresmaktene for å prioritere å hjelpe personar som støttar regjeringspartiet AKP. Det er også meldt om slagsmål I køane, slik at politiet fleire gonger har måtta rykt ut for å roe ned situasjonen.
Ferhat Tokay er etter omstenda i god form etter det 108 timar opphaldet i bygningsruinane, og han kjem truleg ikkje til å få varige mein av skadane. 10 andre menneske er sakna frå denne bustadblokka.
LES OGSÅ:
LES OGSÅ:
Miste buskapen
Jordskjelvet er det verste i Tyrkia på mange år. Det gjekk også hardt ut over buskapen i dette landbruksområdet i Van-provinsen den kurdiske delen av Tyrkia. Over 3000 fjøs vart øydelagde av skjelvet, og eit stort tal krøter miste livet
Dette gjer at behovet for mat er stort. I dag gav statsminister Recep Tayyip Erdogan ordre om at soldatar skal eskortere hjelpesendingane til jordskjelvet, etter rapportar om plyndring av naudhjelp.
Dei store øydeleggingane etter jordskjelvet, spesielt i byen Ercis med rundt 100.000 innbyggjarar, har fått ei gruppe bygningsekspertar til å gå ut med hard kritikk av lokale byggherrar.
LES OGSÅ:
LES OGSÅ:
Sand i sementen
Dei får kritikk for å blande altfor mykje sand i sementen, noko som har gjort bygningane svært ustabile. Truleg vil ingen i Ercis få flytte tilbake til heimane sine med det første, heller ikkje til hus som ikkje vart øydelagde i skjelvet.
President Abdullah Gül har gjort det klart at den offisielle feiringa av den tyrkiske nasjonaldagen 29. oktober, er avlyst på grunn av katastrofen.
LES OGSÅ:
LES OGSÅ: