Over 100 mistenkte medlemer av Den muslimske brorskapen er arresterte i frykt for at dei planla valdelege protestar. Egyptisk politi har vore på tå hev i fleire dagar, etter at den islamistiske organisasjonen Salafi-fronten varsla ein regjeringskritisk demonstrasjon etter fredagsbøna i Kairo i dag.
Denne demonstrasjonen fekk sine to første dødsoffer i ettermiddag. Det er også ein demonstrasjon som rettar seg mot Den muslimske brorskapen i Kairo i dag. Eit ukjent tal demonstrantar ropar slagord mot terroprisme og støtteerklæringar til president Al-Sisi.
Morsi-støttespelarar
Salafist-gruppa er ei av fleire grupperingar som reagerte sterkt på at den egyptiske hæren i fjor avsette den folkevalde presidenten Mohamed Morsi frå Den islamske brorskapen.
Identiteten til den drepne brigadegeneralen er førebels ikkje kjend. Det var i dag tidleg at ein bin utan registreringsskilt køyrde opp på sida av bilen til generalen på ein parkeringsplass og opna eld. To andre vart såra i angrepet. Angrepet skjedde i bydelen Gesr Al-Suez.
Soldat drepen
I eit anna angrep i Kairo vart ein soldat drepen i ei skotveksling mellom hæren og væpna menn i den nordlege delen av den egyptiske hovudstaden.
Fleire væpna islamistiske grupper har retta angrep mot politi og soldatar i Egypt etter hæren si maktovertaking. Gruppene har vore særleg aktive på Sinai-halvøya, men det har også vore mange angrep i Kairo.
Saka blir oppdatert
LES OGSÅ:
LES OGSÅ:
LES OGSÅ: